"Ангара-А5" ракета ташувчининг учирилиши одатдагидек бўлиб ўтди. Учувчи аппаратни олти йил ичида иккинчи марта синаб кўришди.
Ракета космодромдан Москва вақти билан 8:50 дақиқада учишни бошлади. 12 дақиқа ўтиб учинчи поғонадан ажралди.
"Роскосмос" раҳбари Дмитрий Рогозин ракета учирилишига ҳаяжон билан муносабат билдирди.
"У учяпти, жин урсин!", - дея ёзди у твиттерда.
“Ангара” - экологик тоза ракеталар тоифасига киради. У енгил “Ангара-1.2”, ўрта “Ангара-А3”, оғир “Ангара-А5” ва модернизация қилинган “Ангара-А5М”, шунингдек юқори қувватли “Ангара-А5В” ракета-ташувчиларини ўз ичига олади.