ТОШКЕНТ, 10 дек — Sputnik. RT телеканали илк бор 2005 йил 10 октябрь куни Москвадаги студиядан эфирга узатилган эди. Бугунги кунда олтита тилда ТВ да ва онлайн эфига узатилаётган RT 15 йил ичида дунёдаги энг машҳур халқаро ахборот телеканалларидан бири бўлди. Телеканал “International Emmy” халқаро мукофот ҳакамлари ва замонамизнинг машҳур кишилари томонидан, улар орасида Эмир Кустурица, Роджер Уотерс ва Оливер Стоун бор, эътироф этилди.
“Биз 15 ёшни қарши олдик. Бутун дунё махсус хизматлари, эркин нафас олинг. Таваллуд кунимизда ҳеч қаерга аралашмасликка ваъда берамиз”, - деди RT бош муҳаррири Маргарита Симоньян.
RT ўзининг 15 ёшга тўлган кунида совуқ уруш давридаги фуқаролик мудофаасига оид америкача ўқув фильми услубида тасвирга олинган “Яшил таҳдид” номли видеоролик тақдим этди. Киноялик ролик RT нинг фаол тўлқинларидан қандай ҳимояланиш мумкинлиги ҳақида ҳикоя қилади.
Шунингдек, RT юбилей арафасида ролик чиқарди. Унда “дипфейк” технологиялар ёрдамида дунё етакчилари қандай қилиб Россия телеканали васвасасига тушганликларини кўрсатган.
Ҳар ҳафта RT телеканалини дунёнинг 47 та мамлакатида (IPSOS халқаро компания тадқиқоти) 100 миллион нафар киши томоша қилади. RT YouTube᾽да BBC, CNN, Al Jazeera, Euronews, FOX News᾽ни ортда қолдириб, дунёда ахборот телеканаллардан биринчи бўлиб 10 миллиард марта кўрилганлик довонидан ўтди.
RT 15 йиллик фаолияти давомида президентлар ва биринчи шахслар билан юздан ортиқ интервью ташкил этди. Каналга Россия, Сербия, Словения, Сурия, Боливия, Венесуэла, Аргентина, Эквадор ва бошқа мамлакат етакчилари интервью берган. RT телеканалида тележурналистика афсонаси Ларри Кинг билан эксклюзив шоу, Пулитцер мукофоти совриндори Крис Хежес, Эквадорнинг собиқ президенти Рафаэль Корреа ва Шотландиянинг собиқ биринчи вазири Алекс Салмонд кўрсатувлари эфирга узатилади.
RT – телевидение соҳасидаги Emmy энг нуфузли мукофотида 10 марта финалга чиққан. RT Монте-Карлодаги Телевизион фестивалининг “Энг яхши туну кун ишлайдиган ахборот дастури” номинациясида олтин медалга сазовор бўлган. Телеканал умумий ҳисобда медиа ва телевидение соҳасида юзлаб халқаро мукофотларни қўлга киритган.
Афсонавий тележурналист Ларри Кинг: “RT᾽ни бутун дунё бўйлаб кўришади, шундай экан бир-биримизга мос келдик”.
Сербиялик режиссёр Эмир Кустурица: “Россиянинг RT телеканали – бир томонлама ахборотни кўрсатадиган BBC ва CNN᾽дан фарқли ўлароқ телевидение қандай бўлиш кераклигининг энг яхши намунаси”.
Pink Floyd асосчиси Роджер Уотерс: “Бутун дунёда ақл бовар қилмас даражада холис бўлмаган телеканаллар бор – кўплаб муносабатлар ва кўплаб турли сабабларга кўра. Мамуният билан шуни айта оламанки, мен кўп хабарларни RT᾽дан биламан”.
Америкалик режиссёр Оливер Стоун: “Янгиликларни фақат Россиянинг RT телеканалида томоша қиламан. Мен нуқул пропаганда бўлган Шимолий Америка ОАВларига қараганда унга кўпроқ ишонаман”.
Шотландиялик ёзувчи Ирвин Уэлш: “RT (адолатли равишда) BBC᾽га нохолислигини кўрсатиб беради. Равшанки, “жамоат телевидениеямиз” қулоғигача коррупцияга ботган ва шу туфайли холис эмас. Қанақа таълим, янгилик ва кўнгилочар жин урсин?! Шу бўлмағур нарса учун сиз яна лицензия йиғимларини тўлаяпсиз”.
