ТОШКЕНТ, 10 дек - Sputnik. АҚШ Ўзбекистонни диний ҳуқуқларни ҳурмат қилиш масаласида намуна бўлишга чақирмоқда, бу ҳақда АҚШ Миллий Хавфсизлик кенгашининг Twitterдаги саҳифасида маълум қилинган.
"Қўшма Штатлар Ўзбекистонни диний эркинлигимасаласида эришилган ютуғи ва махсус кузатувдаги рўйхатдан чиқарилганлиги билан табриклайди. Биз фундаментал ҳуқуқни ҳимоя қилиш мақсадида ҳукуматни кейинги ислоҳотларни ўтказиб, бошқалар учун намуна бўлишга чақирамиз", - дейилади хабарда.
Сал олдин АҚШ давлат котиби Майкл Помпео "сўнгги бир йил ичида эришган муҳим, аниқ ютуқларга асосланиб, Ўзбекистон диний эркинлик бўйича "Махсус кузатувдаги давлатлар рўйхати" (Special Watch List)дан чиқарилгани" эълон қилган эди.
Ўзбекистон президенти Шавкат Мирзиёев БМТ Бош ассамблеясининг 75-сессиясида сўзлаган нутқида мамлакатда дин эркинлиги билан боғлиқ вазият кескин яхшиланганини ва миллатлараро тотувлик ва динлараро бағрикенгликни янада мустаҳкамлаш мамлакат учун муҳим вазифа эканлигини таъкидлаган эди.
2018 йилнинг декабрида Оқ уй Ўзбекистонни диний эркинлиг предметига кузатув ўрнатиш керак бўлган давлатлар рўйхатига киритган эди. 2019 йилнинг охирида мамлакат ушбу рўйхатда қолдирилган эди.
