ТОШКЕНТ, 18 ноя - Sputnik. Россиянинг маълумотлари туфайли МДҲдаги шериклар 2020 йилда 40 дан зиёд террорчилар ва уларнинг ҳамтовоқларини ҳибсга олишди, деб баёнот қилди Россия Хавфсизлик Кенгаши котиби Николай Патрушев.
"Россия томонидан тақдим этилган материалларга кўра, хорижий ҳамкасблар томонидан халқаро террористик уюшманинг 40 дан зиёд аъзолари ва уларнинг ҳамтовоқлари қўлга олинди", - деди чоршанба куни МДҲ давлатлари хавфсизлик кенгашлари котиблари йиғилишининг очилиш маросимида Патрушев. Унинг сўзларидан РФ ХК матбуот-хизмати иқтибос келтирган.
"Олинган маълумотлар асосида террористик фаолиятга алоқадор бўлган 950 нафардан ортиқ чет элликларга бизнинг мамлакатимизга кириш таъқиқланди", - деб қўшимча қилди Патрушев.
Шунингдек, Патрушевнинг сўзларига кўра, МДҲ давлатлари куч тузилмалари 2020 йилда биргаликда чет элда жангарилар сафига одамларни ёллаш билан шуғулланган 22та халқаро террорчилик ташкилотлари ячейкаларини йўқ қилишга муваффақ бўлганлар.
Йиғилиш видео-анжуман форматида ўтказилмоқда.
