ТОШКЕНТ, 11 ноя - Sputnik. Россия Федерациясида ўтказилган тадқиқотларнинг учинчи босқичи маълумотларини биринчи оралиқ таҳлили пайтида коронавирусга қарши "Спутник V" вакцинасининг самарадорлиги 92 %ни ташкил этди, дейилади "Спутник V" вакцинасининг твиттердаги аккаунтида.
""Спутник V" вакцинасининг самарадорлиги 92% ни ташкил этди (ҳисоблаш плацебо гуруҳидаги 20та тасдиқланган ҳолатларни тақсимлаш ва вакцинани олган гуруҳ маълумотлари асосида ўтказилган)", дейилади хабарда.
Самарадорлик кўнгиллиларнинг биринчи эмланган кунидан 21 кун ўтгач, биринчи оралиқ маълумотларни таҳлил қилиш асосида тасдиқланган.
Август ойида Россия Соғлиқни сақлаш вазирлиги Гамалея маркази томонидан яратилган ва Россия тўғридан-тўғри инвестиция фонди билан биргаликда ишлаб чиқарилган COVID-19нинг олдини олиш учун дунёдаги биринчи вакцинани рўйхатдан ўтказди. Унга "Спутник V" номи берилган. Препарат уч ҳафта оралиғида иккита компонентни киритишни ўз ичига олади.
