ТОШКЕНТ, 9 ноя — Sputnik. СССР собиқ президенти Михаил Горбачёв президентлик сайловларида ғалаба қозонганини эълон қилган Жо Байден Россия ва АҚШ ўртасидаги ишончни тиклаш муҳимлигини тушунади деб умид қилмоқда. РИА Новости хабарига асосан.
Демократлар партиясидан номзод Байден ўтган шанба куни мамлакат президенти этиб сайланганини эълон қилди, ундан илгарироқ ғалаба ҳақида Американинг йирик ОАВлари эълон қилди. Шу билан бирга, АҚШнинг амалдаги президенти Дональд Трамп сайловлар ҳали якунланмагани айтиб, судда ўз ғалабасини ҳимоя қилишни режалаштирмоқда.
Михаил Горбачёв АҚШнинг янги президенти даврида Россия-Америка муносабатларининг истиқболлари ҳақида гапирди.
"Мамлакатларимиз ўртасидаги ишончни тиклаш керак. Умид қиламан, сайланган президент бунинг муҳимлигини тушунади, Россия раҳбарияти эса жиддий мулоқотга тайёр, деб ўйлайман", - деди Горбачёв РИА Новости билан суҳбатда.
