ТОШКЕНТ, 6 ноя — Sputnik. Бутунжаҳон соғлиқни сақлаш ташкилоти бутун дунё бўйлаб ҳукуматларни янги пандемияга тайёргарлик кўришга чақирди.
Бутунжаҳон соғлиқни сақлаш ассамблеясининг 73-йиллик сессияси олдидан БССТ веб-сайтида тегишли хабар эълон қилинди.
"Ўтган йили биз фавқулодда вазиятларга тайёрлиги нуқтаи назаридан мустаҳкам инфратузилма <…> га эга мамлакатлар SARC-CoV-2 вирусини олдини олиш ва назорат қилиш учун тезкор ҳаракатларни амалга оширганликларини кўрдик", - дейилган хабарда.
БССТ маълумотларига кўра, дунё бўйлаб коронавирус инфекциясининг 48,1 миллиондан ортиқ ҳолатлари қайд этилган. Пандемия 1,23 миллиондан ортиқ одамнинг ҳаётига зомин бўлди.
