ТОШКЕНТ, 5 ноя — Sputnik. Ўзбекистон президенти Шавкат Мирзиеёвнинг қарорига мувофиқ Давлат солиқ қўмитаси ҳузурида Фискал институт ташкил этилди.
Институтда солиққа тортиш ва молиявий назорат соҳалари учун бакалавриат ва магистратура йўналишлари бўйича кадрларни кредит-модуль тизими асосида тайёрланади, қайта тайёрлаш ва уларнинг малакасини ошириш ишлари такомиллаштирилади.
Фискал институт:
- солиқлар ва солиққа тортиш соҳаси учун олий маълумотли мутахассислар ва илмий кадрларни тайёрлаш, қайта тайёрлаш ва уларнинг малакасини ошириш бўйича таянч ОТМ;
- молиявий назорат ва аудит ҳамда солиқ, молия ва тижорат ҳуқуқи, шунингдек иқтисодиётда ахборот технологиялари соҳаларида кадрлар тайёрлаш ва юқори даражада фундаментал ҳамда илмий-амалий тадқиқотлар олиб борилишини таъминлайдиган ОТМ ҳисобланади.
Институтда ўқув жараёни 2021/2022 ўқув йилидан бошланади.
