ТОШКЕНТ, 27 окт — Sputnik. Соддалаштирилган тартибда Россия Федерацияси фуқаролигини олиш ҳуқуқига эга бўлган мутахассисликлар рўйхатини кенгайтириш таклиф қилинди.
Россия Меҳнат вазирлиги чет эл фуқаролари ва фуқаролиги бўлмаган шахслар - соддалаштирилган тартибда Россия фуқаролигини олиш ҳуқуқига эга бўлган малакали мутахассисларнинг касблари, мутахассисликлари ва лавозимлари рўйхатини тўлдириш таклиф қилди.
Душанба куни норматив-ҳуқуқий ҳужжатлар лойиҳалари федерал порталида эълон қилинган буйруқ лойиҳасида қайд этилишича: профессорлар ва доцентлар соддалаштирилган тартибда Россия фуқаролигини олишлари мумкин.
