Россияда неча киши COVIDга қарши вакцинацияга рози экани маълум бўлди

Oбуна бўлиш
Жамоатчилик сўровида маълум бўлишича россияликларнинг фақат 23% коронаивирусга қарши вакцинани қабул қилишга рози.

ТОШКЕНТ, 5 окт — Sputnik. Россиянинг энг йирик партияси бўлган "Единая Россия" томонидан аҳоли орасида оммавий эмлаш мавзусида ўтказилган сўров кутилмаган натижаларни кўрсатди. РИА Новости хабарига асосан.

Сўровда маълум бўлишича, бугунги кунда Россия аҳолисининг фақат 23 % коронавирусга қарши эмланишга рози, 73 % аҳоли эса - рози эмас. Қолган 4% - аллақачон коронавирус билан касалланиб бўлганини ва уларга вакцина керак эмаслигини маълум қилишган. 

Шунингдек сўровда иштирок этганларнинг 93 % - вакцинация кўнгилли равишда ўтказилиши керак деган фикрда, 7% эса - мажбурий бўлиши керак деб ҳисоблайди.  

Сўров онлайн кўринишда, 16-23 сентябр кунлари ўтказилди, унда 20 мингга яқин кишилар иштирок этди. "Едина Россия" партияси вакиллкари ушбу сўров натижаларини Соғлиқни сақлаш вазирлигига етказишни ваъда берган. 

Эслатиб ўтамиз, Гамалея номидаги Эпидемиология ва Микробиология маркази дунёда биринчи бўлиб COVID-19 га қарши вакцинани рўйхатдан ўтказди. "Спутник V" деб номланган вакцина синовларнинг 2 босқичидан муваффақиятли ўтиб клиник синовлар фазасига етиб келган. Айни дамда у 40 минг кишилда синовдан ўтмоқда. 

Янгиликлар лентаси
0