ТОШКЕНТ, 16 сен - Sputnik. Коронавирусга қарши кураш, унинг тарқалишини олдини олиш учун жалб қилинган шифокорлар, санитар-эпидемиологик хизмат ва бошқа ходимларга Ўзбекистон Инқирозга қарши кураш жамғармасидан 2,252 триллион сўм маблағ ажратилди, деб хабар қилмоқда Молия вазирлиги.
Ушбу маблағлар қуйидаги тартибда тўловлар амалга оширилади:
- Махсус қўшимча рағбатлантириш тўловлари ажратилди: 14 кунлик фаолият даври учун шифокорларга 25 млн сўмдан, ўрта тиббий персоналга - 15 млн сўмдан ва кичик тиббий персоналга - 10 млн. сўмдан махсус қўшимча тўловлар ажратилган.
- Ҳар кунлик ойлик лавозим маошига 6% миқдорида қўшимча тўловлар белгиланган.
- Санитария-эпидемиологик хизмат ходимлари ойлик маошига меҳнатнинг соғлиқ учун хавфлилиги учун белгиланадиган қўшимча тўловлар 15фоиздан 50 фоизгача, 40 фоиздан 75 фоизгача оширилди ва разрядлари бўйича коэффициент ҳам 5 %га оширилди.
Хабарда айтилишига кўра, 14 сентябр кунига тадбирларга жалб этилган тиббиёт, санитария-эпидемиологик ва бошқа ходимларнинг 1 347 нафарига 12,2 млрд. сўм қўшимча рағбатлантириш тўловлари тўланган. Батафсил қуйида танишинг.
