ТОШКЕНТ, 7 сен — Sputnik. Ўзбекистон жамоаси Халқаро армия ўйинларида умумжамоа ҳисобида учинчи ўринни эгаллаб, яхши натижа қайд этди. Бу ҳақда республика мудофаа вазири генерал-майор Баҳодир Қурбонов маълум қилди.
“Ўзбекистон жамоаси бу йил 16 та танловларда иштирок этди ва улардан 14 тасида совринли ўринларни эгаллади. Яхши натижа кўрсатди, умумжамоа ҳисобида у учинчи ўринни эгаллади”, - деди вазир журналистларга. Унинг сўзларидан РИА Новости иқтибос келтирган.
Россия ва Беларусь биринчи ва иккинчи ўринларни эгаллади.
Қурбонов ўзбекистонлик ҳарбий хизматчилар интилиши ва маҳоратини ошириши керак бўлган нарсалар борлигини таъкидлади.
У ўйин баҳслари барча мамлакат ҳарбийларига ўз маҳоратини оширишга имконият туғдиришини қайд этди.
“Ўйлайманки, биринчи навбатда аскарларимиз ҳамжиҳатлик ва дўстлик билан ғалаба қозонишмоқда”, - дея қўшимча қилди вазир.
Мутлақ ғолиб: Ўзбекистон АрМИ-2020 мусобақасининг яна бир йўналишида тенгсиз
Шунингдек, Қурбонов ўйинлар ташаббускори Россия ва россиялик ҳамкасби Сергей Шойгуга мусобақаларга таклиф учун ўз миннатдорчилигини билдирди.
Халқаро армия ўйинлари 23 августдан 5 сентябрга қадар бўлиб ўтди. Бу йил улар олтинчи марта ўтказилди. Ўзбекистон ушбу мусобақаларда 3-марта иштирок этди.
