ТОШКЕНТ, 30 авг — Sputnik. Ўзбекистонда коронавирус билан касаллаганларнинг умумий сони 41 303 нафарга етди. Бу ҳақда Соғлиқни сақлаш вазирлиги матбуот хизмати хабар қилмоқда.
Ўтган тун давомида яна 143 кишида коронавирус инфекцияси аниқланди. Янги касалланганларнинг 87 нафари Тошкент шаҳрида, 20 нафари Тошкент вилоятида, 10 нафари Бухоро вилоятида, яна 10 нафари Қашқадарё вилоятида, 8 нафари Самарқанд вилоятида, 4 нафари Сурхондарё вилоятида, 2 нафари Қорақалпоғистон Республикасида ҳамда яна 2 нафари Наманган вилоятида фуқаролар орасида аниқланган.
Шу билан бирга, Юнусобод туманида яшаган 84 ёшли И.А. (аёл) ҳамда Янгийўл туманида яшаган 47 ёшли Б.Э. (эркак), жами 2 нафар коронавирусга чалинган бемор вафот этди.
Шу пайтга қадар мамлакатда 38359 нафар коронавирус инфекциясига чалинган фуқаролар (93 фоиз) соғайган. Тузалиш бўйича энг юқори кўрсатгич Фарғона вилоятида (99 фоиз). Қолган ҳудудларда ҳам 90 фоиздан зиёд беморлар шифо топган.
Ҳозирда мамлакатда 2633 нафар бемор даволанмоқда. Улардан 276 нафари оғир, 138 нафари эса ўта оғир аҳволда.
