ТОШКЕНТ, 28 июл — Sputnik. Ижтимоий тармоқларда икки мушук жароҳатланган итга йўлдан ўтишига ёрдам бергани акс этган видео тарқалмоқда.
"Московский комсомолец" ёзишича, бу ҳолат Краснодар ўлкаси трассасида кечаси содир бўлди.
Mash Telegram-каналда жойлаштирилган видеода ҳайдовчи йўлда қандайдир ҳайвонларни кўриб қолади ва дарҳол автомобилни тўхтатади.
Машина уларга яқинлашганда, ҳаммаси аён бўлди – икки мушук чўлоқ итга йўлдан ўтишига ёрдам берган экан.
“Бутун бошли делегация экан... қаранг, уни қўриқлашмоқда! У эҳтимол ногирон бўлса керак”, - дейди ҳайдовчи кадр ортидан.
Видео интернет фойдаланувчиларини ҳайратда қолдирди. Кўпчилик “бу ит ва мушук ўртасида ўзаро ёрдам бўлса керак”, деган изоҳ ёзишган.
