ТОШКЕНТ, 24 июл - Sputnik. РФ Соғлиқни сақлаш вазири Михаил Мурашко Россияда коронавирус туфайли барча чекловлар олиб ташланиши феврал ойида амалга оширилиши кутилаётганини тасдиқлади, деб хабар қилди РИА Новости.
“Ҳа, биз бу йўналишда ҳаракат қилмоқдамиз, популяцион иммунитетни шаклланиши, шу жумладан, дори-воситалари ёрдамида амалга ошишини истардик, шундан кейин одатий ҳаётга қайтишнинг янги босқичига ўтаётганимизни ҳотиржам айтишимиз мумкин”, - деди Мурашко.
Соғлиқни сақлаш вазирлиги раҳбари шунингдек, ҳозирда Шанхай Ҳамкорлик Ташкилоти мамлакатларига COVID-19'га қарши Россия вакцинасини етказиб бериш бўйича музокаралар олиб борилаётганлигини тасдиқлади.
"Халқаро ҳамкорлик доирасида бугунги кунда муайян музокаралар олиб борилмоқда ва улар биринчи навбатда вакцина рўйхатга олинганидан кейин ҳам давом этади. Шунда янада фаол ўзаро ҳамкорлик амалга ошади, ҳозирда, шу жумладан, параллел равишда ишлаб чиқаришни кенгайтириш учун тайёргарлик босқичи олиб борилмоқда”, - деди Мурашко.
Вазир вакцина янги ихтиро бўлганлиги сабабли уни босқичма-босқич жорий этиш режалаштирилганлигини таъкидлади.
