ТОШКЕНТ, 15 июл - Sputnik. Бухоро вилояти Вобкент туманида яшовчи “ФАРМА актив” корҳонаси асосчиси Миршод Бобоев жаратилган ер майдонида 10дан ортиқ доривор ўсимликларни етиштирмоқда, деб хабар қилмоқда ЎзА.
Унинг корҳонаси доривор ўсимликлар ва гулларни етиштириш билан шуғулланади. Ушбу мақсадлар учун 2019 йилда унга Паноб қишлоғи ҳудудидан 26 гектар ишлов берилмаган ер ажратилди.
Бугунги кунга ер майдонида мойчечак, атиргул, чиннигул, розмарин ва шувоқ ўстирилади. Меҳнат кўп талаб қилинадиган мавсумда корҳона гул теримига кўпроқ иш жойларини яратади.
Корхона ходими Шерзод Ҳамроевнинг сўзларига кўра, бу йил иш жараёнига юз нафар ёшлар қўшимча жалб этилди.
Бошқа бир ишчи, терувчи Зулхумор Ахророванинг сўзларига кўра, далада одамлар ойига бир миллион сўмдан кўпроқ маош олишмоқда. Уларнинг аксарияти мавсум давомида банд.
Яна бир ходим Темурмалик Расулов яқинда Россиядан қайтиб келди, у ерда гулчилик соҳасида ишлади. Ҳозирда у тўпланган тажрибаси билан бўлишмоқда.
Бироз олдин Сирдарё вилоятида 11-чи синф битирувчиси ташландиқ 15 гектар ерни ўзлаштирди. Ер майдонига у полиз ва дуккакли экинларни эккан ҳақида хабар берган эдик.
