ТОШКЕНТ, 6 июл — Sputnik. Тошкентда салон ишчиси фирибгар тузоғига илинди. Бу ҳақда Тошкент шаҳар ИИББ матбуот хизмати хабар қилмоқда.
Хабарда ёзилишича, Яккасарой тумани ИИО ФМБга Муқимий кўчасидаги гўзаллик салони ишчиси 29 ёшли У.М. ариза билан мурожаат қилган.
У жорий йилнинг февраль ойида Жанубий Кореядан маникюр ва киприк ўстириш мосламаси олиб келиш мақсадида ундан 52 минг доллар олган таниши 28 ёшли С.Р.га нисбатан чора кўришни сўраган.
Аниқланишича, таниши на мослама олиб келган, на пулларни қайтарган. У пулларни ўз эҳтиёжига сарфлаб юборган.
Ўзбекистон Жиноят кодексининг 168 моддаси 4 қисми (Фирибгарлик) билан жиноий иш очилган.
Тергов ҳаракатлари давом этмоқда.
