ТОШКЕНТ, 30 июн — Sputnik. Россия мусулмонлари Қурбон ҳайити муносабати билан кенг кўламли хайрия лойиҳасини амалга оширишга тайёргарлик кўрмоқда. Муҳтож оилаларга қурбонлик қилинган ҳайвон гўшти тарқатилади. Бу ҳақда РИА Новостига Россия мусулмонлари диний идораси ҳузуридаги “Закот” хайрия жамғармаси бош директори Рифат Измайлов маълум қилди.
“Ҳозир жамғарма “Қурбан-2020” лойиҳасини ўтказишга фаол тайёргарлик кўрмоқда. Россиядаги ҳар бир муҳтож оилаларга қурбонлик қилинган ҳайвон гўштини етказиб бериш муҳим (ахир баъзан айрим оилаларда йил давомида 2-3 марта гўшт бўлади)” – деди Измайлов.
Бундан ташқари, хориждаги мусулмонларга ёрдам кўрсатилади. Жамғарма раҳбарининг сўзларига кўра, Россия мусулмонлари Африка ва Осиё мамлакатларидаги муҳтожларга ҳам ёрдам беради.
Бу йил Қурбон ҳайити 30 июлга тўғри келади. Бироқ уни нишонлаш ҳақида якуний қарор қабул қилинмаган.
