ТОШКЕНТ, 25 июн - Sputnik. Россияда меҳнат визаси орқали келган чет элликлар сонини деярли 40 мингга қисқартириш режалаштирилмоқда.
Бу ҳақда норматив-ҳуқуқий ҳужжатлар лойиҳалари федерал порталида эълон қилинган қонун лойиҳасида айтилган.
Агар 2020 йилда квота 144 мингдан ортиқ кишига тақдим этилган бўлса, 2021 йилда бу кўрсаткич 104 993 кишигача камайтирилиши режалаштиришмоқда.
Квота 15 ноябргача шаклланиши керак. Ҳозирда лойиҳа муҳокама босқичида.
Қуйидаги йўналишларда чет эллик ишчиларини қисқартириш режалаштирилган:
- қурилиш;
- сабзавотчилик, ўрмончилик ва ўрмон тайёрлов, шунингдек ёғоч тайёрлаш;
- дўконларда алкогол ва тамаки маҳсулотларининг чакана савдоси;
- қуруқликдаги автотранспортда йўловчи ва юкларини ташиш;
- бинолар ва ҳудудларга хизмат кўрсатиш;
- дорихоналар, стационар бўлмаган савдо объектлари ва бозорлар, шунингдек дўконлар, чодирлар, бозорлар ташқарисидаги чакана савдо;
- кўчмас мулкни бошқариш;
Ўзбекистон, Қирғизистон, Тожикистон, Армения, Озарбайжон, Молдова, Қозоғистондан келган хорижий ишчилар янги қоидалар таъсирига тушмайди, чунки бу фуқаролар Россия Федерацияси ҳудудига визасиз (лекин меҳнат патентлари билан) кириш ҳуқуқига эга.
Чекловлар тоғ-кон, кон-капитал қурилиш, монтаж ва қурилиш-монтаж ишларида ишлайдиган чет элликларга нисбатан ҳам қўлланилмайди.
