ТОШКЕНТ, 22 июн — Sputnik. Россия президенти Владимир Путин АҚШ етакчиси Дональд Трампга қараганда учрашувларга яхшироқ тайёргарлик кўради. Бу ҳақда AҚШ президентининг миллий хавфсизлик бўйича собиқ маслаҳатчиси Жон Болтон ABC News телеканалига берган интервьюсида маълум қилди.
“Президент Путин учрашувларга пухталик билан тайёргарлик кўради. У суҳбатлашаётган кишиларини билади. У нима демоқчи бўлгани ҳақида ўйлайди, эришмоқчи бўлган мақсадлари ҳақида ўйлайди... Мен ўйлайманки, ушбу тайёргарлик, синчковлик ва режалаштириш даражаси Дональд Трампга ётдир”, - деган Болтон. Унинг сўзларидан РИА Новости иқтибос келтирган.
AҚШ президентининг миллий хавфсизлик бўйича собиқ маслаҳатчиси Путиннинг ҳамиша у эришмоқчи бўлган режаси борлигини қўшимча қилган.
