ТОШКЕНТ, 18 июн - Sputnik. АҚШ президенти Доналд Трамп АҚШ маъмуриятига хитойлик амалдорларга нисбатан санкцияларни қўллашга имкон берадиган уйғурлар ҳуқуқлари тўғрисидаги қонунни имзолади, деб хабар беради РИА Новости Оқ уй матбуот хизматига таяниб.
“Уйғурларнинг ҳуқуқларига оид сиёсат тўғрисидаги” 2020 йилдаги қонун” Хитойнинг Шинжон минтақасидаги баъзи этник мусулмон озчиликларнинг инсон ҳуқуқларини қўпол равишда бузилишини қоралайди ва бошқа мақсадларни, шу қаторда айрим чет эл фуқароларига нисбатан санкцияларни қўллаш ваколатларини ҳам назарда тутади", - дейилади Америка маъмурияти баёнотида.
Май ойида Хитойнинг Шинжон-Уйғур автоном вилоятида уйғурларга ва бошқа мусулмонларга зулм ўтказишда хитойлик амалдорларга чекловлар қўйишга имкон берадиган ҳужжат Конгресснинг иккала палатасида ҳам маъқулланди.
Ғарб мамлакатлари ва турли хил гуманитар ташкилотлар кўпинча расмий Пекиннинг Шинжоннинг мусулмон аҳолисига нисбатан ҳаракатларини танқид қилишади, бунга жавобан Хитой расмийлари уйғурлар "қайта тарбиялаш марказларида" ўзларига иш топишда янги кўникмалар ва радикал фундаментализм таъсиридан ҳимояни олишади деб жавоб беради.
Аввалроқ Sputnik радиоси давлат котиби Майк Помпео Хитойни Huawei орқали Британияга "босим ўтказишда" айблаганини хабар қилган эди.
