ТОШКЕНТ, 15 июн — Sputnik. 2020 йилни 15 июнда General Motors билан тузилган келишув доирасида UzAuto Motors Россияда Chevrolet русумли оммавий автомобилини сотишни бошлайди. Бу ҳақда компания матбуот хизмати хабар қилмоқда.
Россиялик харидорларга тақдим этиладиган илк моделлар Chevrolet Spark, Nexia ва Cobalt бўлади.
General Motors ва UzAuto Motors томонидан эришилган келишув шартларига кўра, ушбу моделлар Беларус Республикаси ва Қозоғистоннинг экспорт бозорларида ҳам сотилмоқда.
Эслатиб ўтамиз, Россияда Ўзбекистон автомобиллари сотилиши март ойида бошланиши керак эди, лекин коронавирус ва бошқа муаммолар туфайли ёз ўртасигача қолдирилган эди.
