Кеча ва бугун: вақт Тошкент, Бухоро ва Самарқанд қиёфасини қандай ўзгартирди
Кеча ва бугун: вақт Тошкент, Бухоро ва Самарқанд қиёфасини қандай ўзгартирди
Sputnik Ўзбекистон
Лойиҳа муалллифлари кишини Ўзбекистоннинг қадимий шаҳарлари бўйлаб саёҳат қилишга чорлайди. Юз йил олдин муҳрланган Тошкент, Бухоро ва Самарқанд ва уларнинг... 06.05.2020, Sputnik Ўзбекистон
Лойиҳа муалллифлари кишини Ўзбекистоннинг қадимий шаҳарлари бўйлаб саёҳат қилишга чорлайди. Юз йил олдин муҳрланган Тошкент, Бухоро ва Самарқанд ва уларнинг бугунги қиёфаси киши кўз ўнгида уйғунлашди.
Лойиҳа муаллифлари ўтмиш ва бугун кадрларини бирлаштириб, завқли узоқ ўтмишга саёҳат қилиш имконини яратишди. Айрим тарихий обидаларнинг бир неч юз йиллик қиёфаси сира ўзгармаган, бошқалари эса тамоман ўзгарган.
Туризм қўмитаси Ўзбекистон тарихига шўнғишни ва узоқ вақт давомида шаҳарлар қанчалик ўзгарганини таққослашни таклиф қилди.
Энг кўҳна маданий мерос объектларидан бири Арк қалъаси бўлиб, у қадимда Бухоро шаҳрининг маркази ҳисобланган. Арк қалъаси баланд мустаҳкам пештоқ билан улуғланган. Унинг деворлари теварагида шаҳристон жойлашган. Шаҳристонни савдо-ҳунармандчилик маскани – работ қуршаб турган.
Минораи Калон (Катта Минора) меъморчиликнинг ёрқин намунаси. Меъморий обиданинг қурилишида тош, махсус қир қотишмасидан, чорсу пишиқ ғиштидан, лой, тахта ва бошқа бир қатор ашёлардан фойдаланилган. Баландлиги 50 метр, айланма эни 9 метр. Минора ўз даврида муаззин учун азон айтиш жойи вазифасини ўтаган бўлса, ҳарбий мақсадларда эса кузатув объекти ҳам бўлганлиги тарихий манбаларда сақланиб қолган.
Бухоро шаҳрининг Лаби ҳовуз мажмуасининг шимолида жойлашган Кўкалдош мадрасаси. Мадрасанинг икки қаватли бош тарзи ансамбл майдонига қаратилган. Пештоқини безатиб турган кошинлар сақланиб қолмаган. Мадраса ҳовлисига 5 гумбазли миёнсарой орқали кирилади. Меъморий обиданинг ўзига хос томони шундаки, у Лаби ҳовуз ансамблидаги энг катта иморат ва Бухоро шаҳридаги энг катта мадраса ҳисобланади.
