ТОШКЕНТ, 4 май - Sputnik. Хитойнинг “Sohu” нашри Россиянинг Су-57 русумидаги самолётини Американинг F-22 қирувчи самолёти билан бўладиган жангда афзал кўради, деб ёзади РИА ФАН.
Порталга кўра, Американинг F-22 қирувчи самолёти Су-57 пайдо бўлишигача дунёда энг кучли деб ҳисобланган.
Хитойлик журналистларнинг фикрига кўра, янги рус қирувчи самолёти F-22дан сезиларли даражада устун. Шу билан бирга, буни АҚШнинг юқори мартабали ҳарбий ҳизматчилари ҳам тан олади, улар рус қирувчиси яқин жангда F-22га ҳеч қандай имконият қолдирмайди деб ҳисоблашади.
“Ахир F-22нинг кўплаб лойиҳавий стандартлари бир неча ўн йиллар олдин шаклланган, Су-57 эса сўнгги йилларда жуда оптималлаштирилган”, - дея таъкидлайди Хитой мутахассислари.
Бундан ташқари, ушбу машиналарнинг жанговар тўқнашуви юз берса, америкалик қирувчи ярим соат ҳам яшай олмайди.
Пентагон 750 та F-22 самолётларини сотиб олишни режалаштирган, аммо қирувчи самолётнинг баланд нархи сабабли АҚШ ҳарбийлари 184 та самолётни сотиб олишга қарор қилган.
