ТОШКЕНТ, 1 май - Sputnik. Россиянинг АҚШдаги элчихонаси Вашингтонни Улуғ Ватан уруши ғалабаси тарихини ўзгартиришга қаратилган сохта тарихий дастурларни амалга оширишдан воз кечишга чақирди.
Бунга сабаб Венгриядаги шундай дастурлардан бирининг шартлари Америка дипломатик ваколатхонасининг сайтига жойлаштирилганлиги бўлди. РИА Новости хабарига асосан.
Иккинчи Жаҳон урушидаги Ғалабанинг 75 йиллигига бағишланган Давлат Департаментининг грантларини тақдим этувчи танловининг тавсифида, потенциал даъвогарларга аниқ одамларнинг ҳикоялари ва оғзаки далилларига асоссланиб, "инсонпарварлик ва қаршилик актлари, шунингдек, Холокост, Иккинчи Жаҳон уруши ва Совет Иттифоқи золимлиги остидаги даврда шафқатсизлик ва ҳамкорликка бағишланган нарсалар тўғрисида ўйлаш таклиф этилади" дейилган.
"Буюк Ғалабанинг 75 йиллигида Давлат департаменти тарихни қайта ёзишга қаратилган яна бир бемаъни уринишни амалга оширмоқда. Совет Иттифоқи халқларининг нацизм устидан ғалаба қозонишидаги, Холокостнинг тугатилишидаги ҳал қилувчи ҳиссасини унутиш уринишини. Биз Америка томонини қасддан ёлғон, нолойиқ ва сохта тарихий дастурлардан воз кечишига чақирамиз", - дейилади Россия элчихонасининг Фейсбукдаги саҳифасидаги мурожаатида.
Аввалроқ Россия ташқи ишлар вазирининг ўринбосари Сергей Рябков АҚШ Иккинчи Жаҳон урушидаги ғалабада Қизил Армия ролини камситиш мақсадида ўз фойдасига ўзгартиришга ҳаракат қилмоқда, деган фикрни билдирди.
