ТОШКЕНТ, 20 апр - Sputnik, Мария Науменко. Бугун Ўзбекистондан Москвада инсонпарварлик ёрдами ортилган яна бир самолёт жўнатилди.
20 апрел куни Ўзбекистон Ҳарбий ҳаво кучларининг тиббиёт ниқоблари ортилган Ил-76 ТД ҳарбий самолёти Россия томон йўл олди, - дейилган Ўзбекистоннинг Москвадаги элчихонаси хабарида. Самолёт Москвадаги Шереметьево аэропортига қўниши кутилмоқда.
Эслатиб ўтамиз, Ўзбекистон ҳукуматининг биринчи инсонпарварлик ёрдами 18 апрел куни Москвага етиб келган эди. Беш миллион тиббиёт ниқобларидан иборат ушбу инсонпарварлик ёрдамини Шереметьево аэропортда Ўзбекистоннинг Москвадаги элчихонаси ходимлари ва Россия Иқтисодиёт вазирлиги вакиллари кутиб олишган эди.
Шунингдек, дунёда коронавирус эпидемияси бошланганидан сўнг Россия Ўзбекистонга ва бошқа марказий Осиё рсепубликаларига коронавирусни аниқлаш тест тизимлари ва бошқа инсонпарварлик ёрдами етказиб берган эди.
