ТОШКЕНТ, 10 апр - Sputnik. Самарқанддаги карантин остига олинган объектдан 1057 нафар ўзбекистонликлар ўз уйларига кузатилди, деб хабар қилмоқда Марказий ҳарбий округ матбуот хизмати.
Ушбу фуқаролар Қозоғистондан поезд билан олиб келиниб 14 кун давомида карантинда сақланган. ушбу вақт давомида уларда касаллик аломатлари аниқланмаган. Фуқаролардан 72 нафари самарқандлик қолганлари бошқа вилоятлардан бўлган. Улар махсус поезд ва автобусларда ўз уйларига кузатиб қўйилган.
Карантин ўташ даврида уларнинг хавфсизлигини таъминлашда Марказий ҳарбий округ бўлинмалари ҳамда Қуролли Кучлар Кичик мутахассисларни тайёрлаш маркази ҳарбий хизматчилари жалб қилинган эди, дейилган хабарда.
