ТОШКЕНТ, 1 апр — Sputnik. Қозоғистонда COVID-19 қурбонлари жасадини ёриш тақиқланди. Бу ҳақда РИА Новости хабар қилмоқда.
Хабарда ёзилишича, коронавирус инфекциясидан вафот этганларни дафн этиш алгоритми тасдиқланган. Ҳужжат билан жасадни ёриш ва уни қариндошларига бериш тақиқланади
“Алгоритмга кўра, танани ёриш ва уларни қариндошларига беришга йўл қўйилмайди, 3 метрдан кам бўлмаган масасофадан яқин қариндошлари билан видолашишга рухсат берилади. Шу билан бирга вафот этган шахснинг танаси видолашиш жойида бир соатдан ортиқ бўлмаслиги лозим”, - деган Қозоғистон Давлат санитария бош шифокори Айжан Есмагамбетова.
Қозоғистонда коронавирус билан боғлиқ 369 та ҳолат қайд этилган. Шундан учтаси ўлим билан якунланган. Мамлакатда 16 мартдан фавқулодда ҳолат режими амал қилмоқда. Нур-Султон ва Олмаотада 19 мартдан карантин жорий этилган. Кейинчалик карантин чоралари мамлакатнинг қатор бошқа шаҳарларида жорий этилди.
