Карантин мажмуаси бир неча минг махсус жиҳозланган контейнерлардан иборат, ҳудуд 10 минг нафаргача фуқароларни қабул қилиши мумкин.
Фуқаролар ватанга қайтганда мажбурий икки ҳафталик карантиндан ўтишлари зарур. Саккиз кун ичида қурувчилар бир ярим минг ўзбекистонликларни қабул қилиш учун жойларни тайёрлашди.
Қурилиш майдонида 3 мингдан ортиқ қурувчи меҳнат қилмоқда, 200 та техника жалб қилинган.
Айни вақтда мутахассислар махсус карантин лагерининг учинчи босқич қурилиш босқичига киришдилар. Ишлар якунлангандан сўнг ҳудуд тўлиқ ўраб олинади.
Карантин зонада фуқароларни вақтинча жойлаштириш учун барча шароитлар яратилган. Ҳар бир бокс 4 киши яшашига мўлжалланган. Блок каравот, стол, шкаф, ҳожатхона ва душ, шунингдек, телевизор ва кондионер билан жиҳозланган. Фуқароларга овқат бир марталик идишларда етказиб берилмоқда.
Карантин ҳудудда ҳар 500 кишига 30 навбатчи шифокор ва 20 таъминлов хизмати ходимлари кўзда тутилган. Беморларга малакали тиббий ёрдам кўрсатилади.
Лагерга қурилиш ва махсус зона таъминоти ишларида ёрдам бериш мақсадида маҳаллий аҳоли ҳам келмоқда.
“Қийин пайтда биз бир-биримизга яқинроқ бўлишимиз керак. Бу жой менинг ака ва опа-сингилларим учун тайёрланмоқда, демак мен четда қолишим керак эмас”, - дейди ишчилардан бири Sputnik мухбирига.
Бундай карантин зоналар Ўзбекистон бошқа вилоятларида ҳам қурилмоқда.
Карантин ҳудуднинг кўриниши ва бу муҳим қурилишда ким меҳнат қилмоқда – бу ҳақда Sputnik Ўзбекистон фотожамланмасида кўришингиз мумкин.
