ТОШКЕНТ, 25 мар — Sputnik. Тошкент шаҳар ИИББ ижтимоий тармоқларда тарқалган видео юзасидан расмий маълумот берди.
Унда “Нексия” ҳайдовчиси ички ишлар ходимларига бўйсунмай енгилтак қизларни олиб қочгани иддао қилинган эди.
Идоранинг аниқлик киритишича, видео 22 март кунидан 23 март кунига ўтар кечаси соат тахминан 02.00 да Яшнобод тумани Шаҳрисабз кўчасида тасвирга олинган.
Патруль-пост хизмати ходимлари фаолият юритаётган вақтда оқ рангли “Нексия” эгаси 27 ёшли Аброр Х. ички ишлар ходимларнинг тўхташ ишораси қарамасдан, ўз ҳаракатини давом эттирган.
Ушбу фуқарога нисбатан Ўзбекистон МЖтКнинг 194-моддаси (“Ички ишлар органлари ходимининг қонуний талабларини бажармаслик”) билан баённома расмийлаштирилган.
Ҳозирда унинг автомашина жарима майдончасига жойлаштирилган.
