COVID-19 коронавирусининг тарқалишини олдини олиш мақсадида 16 мартдан бошлаб Ўзбекистоннинг чет эл давлатлари билан авиа ва автомобиль қатновлари тўхтатилди.
Мутахассиснинг сўзларига кўра, касаллик ўчоғини бартараф этиш эпидемияга қарши энг самарали чорадир.
“Ҳар қандай ҳолатда ҳам бу яхши, чунки вирус занжирини тўхтатиб қолишга имкон беради. Қатъий чоралар жорий этилган мамлакатларда улар ўз самарасини аллақачон берган. Лекин ҳамма ҳам эпидемия кўламини ўз вақтида баҳоламади: кимдир ғафтатда қолди, кимдир чеклов киритмади. Эрон ва Италия шу даражада вирус тарқалиб кетишини ҳатто тасаввур қила олишмаган эди. Бироқ ижобий ўрнаклар ҳам бор – илк касаллик илк қайд этилиши биланоқ вазиятни назоратга олаётган Марказий Осиё мамлакатлари, Россия”, - дея таъкидлади Жемчугов.
Иммунолог агар аҳолисининг қолган қисмининг COVID-19га қарши иммунитети йўқлигини ҳисобга олса, Хитойда касалликнинг иккинчи тўлқини юзага келиши мумкинлигини истисно қилмади. Шу боис чегараларни муддатидан илгари очмаслик даркор. Буни соғайиб кетганлар сони янги қайд этилган ҳолатларга қараганда анча кўп бўлгандагина қилиш мумкин.
Сўнгги маълумотларга кўра, дунёда коронавирусни юқтириб олганлар сони 171 мингдан ошиб кетган. 77 мингдан зиёд киши тузалиб кетишга муваффақ бўлган. Касалликдан вафот этганлар сони 6642 кишини ташкил этмоқда. Ўзбекистонда коронавирус билан боғлиқ 6 та ҳолат расман тасдиқланган. Ҳозир улар касалхонага ётқизилган ва шифокорлар назорати остида.
Мутахассиснинг тўлиқ изоҳини Sputnik подкастида рус тилида тинглашингиз мумкин.
