Дунё бозорлари коронавирус тарқалиши билан боғлиқ вазиятнинг ёмонлашуви шароитида ва фонд биржаларида ваҳима билан бир қаторда жиддий хавф остида. Бундан ташқари, жаҳон бозорида нефт нархи сезиларли даражада пасайди. Ушбу омиллар муносабати билан Қозоғистон Марказий банки асосий ставкани дарҳол 2,75 фоиз пунктга кўтарди - 12% гача. Ўзбекистон Марказий банкининг яқинда бўлиб ўтган йиғилишида асосий ставкани 16 фоиз даражасида ушлаб туришга қарор қилинди. Бироқ, Марказий Осиё мамлакатлари ва Россиянинг ўзаро боғлиқ бозорлари, шубҳасиз, бир-бирига таъсир қилади.
Россиялик экспертнинг фикрига кўра, валюта ва товар бозорларидаги жиддий тебранишлар айрим ишлаб чиқарувчилар учун маҳаллий йўқотишларни келтириб чиқариши мумкин, аммо умуман олганда, бундай вазият мамлакатларнинг савдо-иқтисодий сиёсатини ўзгартиришга мажбур қилиши мумкин.
“Ушбу жараён имкониятлар ойнаси сифатида кўрилиши мумкин. Агар Россия, Қозоғистон ва Ўзбекистон, масалан, миллий валютадаги ўзаро ҳисоб-китобларга ўтадиган бўлсалар, бу уларга ташқи иқтисодий вазиятга нисбатан пастроқ сезгир бўлишга имкон беради. Албатта, бу узоқ ва қийин жараён, аммо бу албатта ўз самарасини беради”, - таъкидлади Иванков.
Sputnik Ўзбекистон подкастида экспертнинг батафсил изоҳини рус тилида тинглашингиз мумкин.
