Бугунги кунда Ўзбекистонда аёллар ҳуқуқларини ҳимоя қилиш ва гендер тенгликка катта эътибор берилмоқда. Сўнгги йилларда раҳбар лавозимларида ишлаётган аёллар сони тезлик билан ошиб бормоқда.
Ваҳоланки, Марказий Осиёда ҳар доим ҳам бундай бўлмаган. Бундан 100 йил олдин ўзбек аёллари дунёга паранжи остидан боқардилар ва фақат ички ҳовлида уй юмушларини бажаришларди.
Ўтган асрнинг йигирманчи йилларида ўзбек аёллари паранжидан халос бўллди ва оммавий равишда таълим ола бошлади. Оғир уруш йилларида эса унинг бир ўзи ҳам уй ҳам далаларда, завод ва фабрикаларда ишлади.
Ўтган асрнинг 70 йиллардан бошлаб Ўзбекистонда олий маълумотли аёллар сони тез ўсиб борди, аёллар илм-фан, маданият, тиббиёт ва бошқа соҳаларни фаол эгаллай бошлашди.
ХХI аср ўзбек аёли – ўз ҳуқуқларини яхши билган, ўқимишли ва фаол инсондир. У нафақат, бола парвариши, уй юмушларини бажариши, чиройли кийиниши, балким бизнес, саёҳат қилиш ва ўз блогини юритиши ҳам мумкин.
Шавкат Мирзиёев ҳукумат бошига келганидан буён аёлларни раҳбар лавзомларга тайинлашга кўпроқ эътибор берила бошланди. Бугунги кунда ҳар бир ташкилотда аёл раҳбарлар сонини 30 %га етказиш - аниқ мақсад қилиб қўйилган.
