ТОШКЕНТ, 24 фев — Sputnik. 2019 йилда Туркияга келин бўлган ўзбекистонликлар сони ортди, бу ҳақида Туркия статистика ташкилоти маълум қилмоқда.
2019 йилда 1550 нафар Ўзбекистон фуқаролари туркияликларга турмушга чиққан. Ушбу кўрсатгич бўйича ўзбекистонликлар хорижий келинлар орасда 5 ўринни эгаллаган.
Биринчи ўринда суриялик келинлар (3400), иккинчи ўринда - озарбайжонлик (2700), учинчи ўринда - германиялик (2440) ва тўртинчи ўринда Марокколик келинлар (1800).
Хориждан Туркияга келин бўлиб тушганлар сони эса 2019 йилда жами 23264 нафарни ташкил эган. Бу умумий келинлар сонига нисбатан 4,3 % деганидир.