ТОШКЕНТ, 28 фев - Sputnik. Ўзбекистонда бешта университет қошида педагогика институтлари ташкил этилди. Бу ҳақида Ўзбекистон президентининг “Педагогик таълим соҳасини янада ривожлантириш чора-тадбирлари тўғрисида”ги қарорида айтиб ўтилган.
Хусусан, бакалавриат ва магистратура мутахассисликлари бўйича қуйидаги институтлар ташкил этилади:
- Самарқанд давлат университети негизида Педагогика институти;
- Андижон давлат университетининг Педагогика институти;
- Бухоро давлат университетининг Педагогика институти;
- ТошДПУ Термиз филиали негизида Термиз давлат университетининг Педагогика институти;
- ТошДПУ Шаҳрисабз филиали негизида Қарши давлат университетининг Педагогика институти.
Эслатиб ўтамиз, бироз олдин Ўзбекистонда педагогика таълими соҳасида айрим йўналишларда олий таълим давомийлигини 3 йил этиб белгилаш ҳақида президент қарори қабул қилинган эди. Хусусан, мусиқа, жисмоний тарбия, чақириққача ҳарбий таълим, тасвирий санъат, бошланғич ва технологик таълим йўналишларида баклавриат бўйича ўқиш муддати 3 йил этиб белгиланган эди.