ТОШКЕНТ, 17 фев — Sputnik. Ўзбекистон каратэ Миллий федерацияси мансабдор шахсларига нисбатан жиноят иши қўзғатилди.
Бош прокуратура матбуот хизматининг хабар қилишича, Шайхонтоҳур тумани бўлими “В.В.” ХК раҳбарининг мурожаатига асосан терговга қадар текширув ўтказган.
Унда каратэ Миллий федерацияси президенти М.А. 43 млн. сўм ва федерация ижрочи директори Н.И. 20 млн. сўмни ўзларининг шахсий пластик картасига асоссиз равишда ўтказиб олиб, талон-торож қилганликлари аниқланган.
Мазкур ҳолат юзасидан федерация президенти ва ижрочи директорига нисбатан ЖКнинг тегишли моддаси билан жиноят иши қўзғатилган.
Ҳозирда тергов ҳаракатлари ўтказилмоқда.
