ТОШКЕНТ, 11 фев – Sputnik. Ижтимоий тармоқларда поезд остига қолган “Матиз” ҳамда тепловоз билан тўқнашган “Газел” автомашинасининг сурати тарқалди. “Ўзбекистон темир йўллари” АЖ бир кунда содир бўлган ҳар икки ҳодиса юзасидан баёнот берди.
Қайд этилишича, “Матиз” билан боғлиқ ЙТҲ жорий йилнинг 6 февраль куни соат 16:30 да “Тошкент металлургия заводи” МЧЖ қўшма корхонасининг шоҳобча темир йўлида содир бўлган. ТЭМ2 №3091 серияли манёвр тепловози “Газел” русумли юк машинаси билан тўқнашган.
Шунингдек, 2020 йил 7 февралда соат 06:21 да Тошкентдаги “Салар” станциясининг қўриқланмаётган темир йўли кесишмасида ВЛ80-2458 электровози бошқараётган юк поезди “Матиз” русумли автомобил билан тўқнашган.
Ҳар икки ҳодиса вақтида ҳам жабрланганлар ёки қурбон бўлганлар йўқ.
Айни дамда ҳолатлар бўйича тергов суриштирув ишлари олиб борилмоқда.