ТОШКЕНТ, 6 фев — Sputnik. Хитой Ташқи ишлар вазирлиги расмий вакили Хуа Чуньин коронавирус ҳақидаги миш-мишларга ишонмасликка чақирди.
“Биз вируснинг ўзидан ҳам хавфлироқ бўлган вазиятга оид айрим миш-миш ва ёлғонларга эътибор қаратдик. Сиз, эҳтимол, яқинда ЖССТ бош директори барча томонлар миш-мишларга ишонмаслигига ва уларни тарқатмаслигига яна умид билдирганига эътибор қаратгансиз”, - дея сиёсатчи сўзларидан келтиради РИА Новости.
Хитой ТИВ расмий вакилининг таъкидлашича, айрим мамлакатларда тегишли ҳукумат идоралари аллақачон ёлғон хабар тарқатаётганларни жавобгарликка тортиш учун чора кўришмоқда.
У Хитой Хитой коронавирус 2019-nCoV тарқалиши билан боғлиқ вазиятга шаффоф ва масъулиятли ёндашаётгани ва барча маълумотларни зудлик билан оммага тақдим этаётганини маълум қилган.
2019-nCoV
Ўтган йилнинг декабрида Хитой ҳукумати Ухань шаҳрида нормаълум бўлган пневмония авж олганини маълум қилди. Пневмония қўзғатувчиси янги турдаги коронавирус 2019-nCoV эканлиги аниқланди.
Сўнгги маълумотларга кўра, дунё бўйлаб касалланганлар сони 28 мингтадан ошиб кетган. 553 киши вафот этган. Вирус дунёнинг кўплаб мамлакатларида тарқалишга улгурган. Ҳозирда унга қарши курашишга оид чора-тадбирлар кўрилмоқда.
