ТОШКЕНТ, 3 фев — Sputnik. Россия бош вазири Михаил Мишустин Россия янги турдаги коронавирус 2019-nCoV аниқланган чет эл фуқароларини мамлакатдан чиқариб юбориши мумкинлигини айтди.
Таъкидланишича, мазкур чора мамлакатнинг коронавирус тарқалишига қарши курашишга оид миллий режасидан ўрин олган.
“Энди у (янги турдаги коронавирус. – Sputnik) ўта хавфли касалликлар рўйхатига киритилган. Бу чет эл фуқароларида шундай касаллик аниқланганда уларни чиқариб юбориш ва махсус чекловлар, шу жумладан, изоляция ёки карантин чора-тадбирларини жорий этиш имконини беради”, - дея Мишустин сўзларидан келтиради РИА Новости.
Эслатиб ўтамиз, аввалроқ Россия ЕОИИ ҳамда МДҲ давлатларига янги коронавирусни лаборатория шароитида диагностика қилиш воситаларини тарқатгани хабар қилинган эди.
