ТОШКЕНТ, 30 янв – Sputnik. АҚШ Касалликларни назорат қилиш ва олдини олиш маркази (CDC) Хитойда тарқалган янги турдаги коронавируснинг рангли расмини намойиш қилди.
Декабрь якунида Хитой ҳукумати Хубей провинцияси маркази бўлган Ухан шаҳрида номаълум пневмония тарқалиши ҳақида хабар қилинганди.
Кейинчалик, касаллик қўзғатувчиси коронавирус 2019-nCoV экани аниқланди.
Сўнгги маълумотларга кўра, Хитойда янги турдаги коронавирусдан касалланганлар сони 7711 кишига етган. Бугунги кунда Хитойда вирусдан вафот этганлар сони 170 тага этганлиги маълум бўлди, бир суткада 38 киши вафот этди.
Хитойдан ташқари Таиланд, Япония, Жанубий Корея, АҚШ, Канада, Вьетнам, Сингапур, Непал, Франция, Австралия, Малайзия, Финляндия, БАА, Ҳиндистонда юқтириш ҳолати қайд этилган.
