ТОШКЕНТ, 28 янв – Sputnik. МИБ маошларини ўз вақтида ололмай келаётган 83 нафар ходимнинг меҳнатга ҳақ олиш ҳуқуқининг тикланишига ёрдам берди. Бу ҳақда Мажбурий ижро бюроси матбуот хизмати маълум қилди.
28 Январ 2020, 19:14
Қайд этилишича, МИБ Когон туман бўлими Когон туманлараро судининг қарорига асосан “Нефтгазқурилиштаъмир” АЖнинг 2-сон вакиллик корхонасидан 2 нафар, “Муборакнефтгазмонтаж” ОАЖ қарашли “КИП Монтаж Сервис” унитар корхонасидан 81 нафар ишчи-ходимлар меҳнатга тўланадиган иш ҳақларини ўз вақтида ололмай келган.
МИБ ушбу ходимларнинг жами 748,1 млн. сўмлик иш ҳақи ва унга тенглаштирилган тўловларни ундирилишида амалий кўмак берган.
