ТОШКЕНТ, 21 янв – Sputnik. Абдулла Арипов Ўзбекистон бош вазири лавозимига тасдиқланди. Бу ҳақда Sputnik мухбири хабар қилди.
Олий Мажлис палаталари Абдулла Ариповни Ўзбекистон Республикаси бош вазири лавозимига тасдиқлаш тўғрисида қарор қабул қилди.
Қўшма мажлисда қатнашаётган 150 нафар депутатдан 148 нафари, 97 сенатордан 94 нафари Абдулла Арипов номзодини ёқлаб овоз берди.
“Юксак ишончингизни оқлаш йўлида ўзгармасдан бор куч ва ғайратимни, билимим, орттирган тажрибам, бор борлиғимни шу ишга бағишлашга ваъда бераман. Жонажон ватанимизга, кўп миллатли халқимизга, муҳтарам президентимизга чексиз садоқат ва фидойилик билан хизмат қилишга барчангизнинг олдингизда ваъда бераман”, - деди Ўзбекистон бош вазири.
