ТОШКЕНТ, 8 янв - Sputnik. Теҳроннинг Имом Хомейни халқаро аэропортида Украина йўловчи самолёти қулади, дея хабар берди РИА Новости Эрон авиация вазирлиги вакили Жаъфар Зодега асосан.
Агентлик суҳбатдошининг сўзларига кўра, Киевга йўлланаётган самолёт бортида 167 йўловчи бўлган. Воқеа жойига тез ёрдам машиналари юборилган. Жаъфар Зоде ўз Твиттерида Қизил ярим ой жамияти Теҳрон аэропортида қулаган Украина самолёти қулаган жойдан олинган фотосуратларни жойлаштирди. Уларда самолёт қолдиқлари, куйган қисмлар ва авария жойида ишлаётган одамлар кўринмоқда.
Эрон Фавқулодда вазиятлар бошқармаси директори РИА Новостига айтишича,бирон бир одам тирик қолиш эҳтимоли деярли йўқ. Унинг сўзларига кўра, вайроналар ёнишда давом этмоқда, қутқарувчилар уларни ўчиришга ҳаракат қилмоқда.
رئیس سازمان امداد و نجات جمعیت هلال احمر درباره #سقوط_هواپیمای_اوکراینی: بعید میدانم کسی در این حادثه زنده مانده باشد. خوشبختانه به منازل مسکونی خسارتی وارد نشده است. pic.twitter.com/FSdTXNsfZB
— هلال احمر ایران (@Iranian_RCS) January 8, 2020
Рейтер агентлиги Эрон телевидениесига асосланиб, самолёт бортида бўлганларнинг барчаси ҳалок бўлганини хабар қилмоқда.
Россиянинг Теҳрондаги элчихонаси қулаган лайнерда Россия фуқаролари бўлган ёки бўлмаганлиги ҳақида маълумотларни аниқламоқда.
Аввалроқ Эроннинг Тасним агентлиги бортида 180 нафар йўловчиси бўлган Украина самолёти Имом Хомейни халқаро аэропортида "техник муаммолар" туфайли ҳалокатга учрагани ҳақида хабар берган эди. Агентлик маълумотларига кўра, маълумотни аэропорт раҳбари тасдиқлади - у самолёт парвоздан кўп ўтмай қулаб тушганини айтди.
Ижтимоий тармоқларда ёниб турган, ортидан тутун қолдириб қулаётган нуқта тасвирлари жойлаштирилди. Гувоҳлар ёзишича, бу айнан Украина лайнери.
Flight Radar порталининг хабар беришича, PS752 рейси Теҳрондан Москва вақти билан тонг соат 5:42 да ҳавога кўтарилиб икки дақиқадан сўнг (5:44 да) маълумот узатишни тўхтатган. Шундан кўп ўтмай у қулаб тушган.
Киев аэропортида Украина бортининг Теҳрон яқинида ҳалокатга учрагани ҳақида ҳозирча маълумот йўқ.
"Ҳа, бизда Теҳрондан соат 8.00 (Москва вақти билан 9.00) да борт кутиляпти. Ҳозирча ҳеч қандай муаммо йўқ", - дея РИА Новостига аэропорт маълумотномасида маълум қилишди.
We are following reports that a Ukrainian 737-800 has crashed shortly after takeoff from Tehran. #PS752 departed Tehran at 02:42UTC. Last ADS-B data received at 02:44UTC. https://t.co/qXWHUPGDTu pic.twitter.com/vuAi6TOqTp
— Flightradar24 (@flightradar24) January 8, 2020
