ТОШКЕНТ, 26 дек — Sputnik. “Шимолий оқим-2” газ қувури санкцияларга қарамасдан қуриб битказилади, деди Россия энергетика вазири Александр Новак РБК газетасига берган интервьюсида.
“Қувурнинг 160 километрдан озроқ қисмини ётқизиш қолган”, - дея эслатди у.
Шу билан бирга, вазир Швейцария “Allseas” компанияси лойиҳанинг ўзига тегишли қисмини охирига етказа олмайди дейишга ҳали эрта эканлигини таъкидлади. Компания АҚШ Молия вазирлигидан санкциялар бўйича тушунтириш кутмоқда.
20 декабрь куни АҚШ президенти Дональд Трамп 2020 йил учун мудофаа бюджетини имзолади, бунда “Шимолий оқим-2” ва “Турк оқими” газ қувурларига қарши санкцияларни қўллаш назарда тутилган.
АҚШ пудратчи компаниялардан қурилишни дарҳол тўхтатишни талаб қилди. “Шимолий оқим-2”ни қувурларини ётқизиш билан шуғулланувчи “Allseas” компанияси фаолиятини тўхтатиб қўйди.
