ТОШКЕНТ, 22 дек - Sputnik. Ўзбекистон Марказий банки пул бирлигининг деноминация қилиниши тўғрисидаги хабарлар ҳеч қандай асосга эга эмаслигини маълум қилди.
“Ушбу хабарлар ҳеч қандай асосга эга эмас. Бугунги кунда пул бирлигини деноминация қилиш масаласи Ўзбекистон Республикаси Ҳукумати ва Марказий банки томонидан кўзда тутилмаган”, - дейилади хабарда.
Аввалроқ ижтимоий тармоқларда сўм деноминация қилиниши ҳақида хабарлар тарқалиб, кенг муҳокама қилинаётган эди.
Эслатиб ўтамиз, август ойида Марказий банк раиси Мамаризо Нурмуротов Ўзбекистонда миллий валютанинг деноминациясини ўтказиш вазифаси қўйилмаганини маълум қилган эди. Унинг сўзларнига кўра, бу жараён катта иқтисодий харажатдир.
