ТОШКЕНТ, 25 ноя — Sputnik. Баҳодир Абдувалиев Абдулҳаевич Тошкент шаҳар прокурорининг ўринбосари лавозимига тайинланди. Бу ҳақда пойтахт прокуратураси хабар қилди.
Қайд этилишича, бош прокурор 21 ноябрь куни тайинлов тўғрисида буйруқ чиқарган.
Баҳодир Абдувалиев тайинловга қадар Ўзбекистон Бош прокуратураси жиноий суд ишларини юритишда прокурор ваколатини таъминлаш бошқармаси бошлиғи лавозимида ишлаган.
Эслатиб ўтамиз, аввалроқ ИИВ тузилмасида бир қатор ўзгаришлар амалга оширилгани хабар қилинган эди. Ички ишлар вазирининг буйруғи билан икки нафар вазир ўринбосари, ЙҲХББ, МваФРББ, ППХ ва жамоат тартибини сақлаш бош бошқармаси раҳбарлари ўзгарди.