ТОШКЕНТ, 18 ноя — Sputnik. Қозоғистонда давлат хизматчиларини “Диплом билан қишлоққа” лойиҳасига киритиш таклиф қилинди. Бу ҳақда Sputnik Қозоғистон хабар қилмоқда.
“Қишлоқдаги кадрлар етишмаслиги масаласини ҳал қилиш учун давлат хизматчиларини “Диплом билан қишлоққа”лойиҳасига киритиш таклиф қилинади”, - дея ташаббус билдирган Қозоғистон миллий иқтисодиёти вазири Руслан Даленов.
“Диплом билан қишлоққа” лойиҳаси 2009 йилда Қозоғистоннинг биринчи президенти Нурсултон Назарбоев топшириғига биноан ишга туширилган. Асосий мақсад - қишлоққа ишга келган соғлиқни сақлаш, таълим, ижтимоий таъминот, маданият, спорт ва қишлоқ хўжалиги соҳасидаги мутахассисларни рағбатлантириш.
Лойиҳа иштирокчиларига 650 доллар миқдорда ёрдам пули тўлаш ҳамда турар жойга бюджет кредити ажратиш кўзда тутилган.
