ТОШКЕНТ, 14 ноя – Sputnik. Тошкент шаҳар ИИББ футбол мухлисларидан автомобилларни “Пахтакор” стадиони атрофидаги йўллар четида эмас (Ислом Каримов, Олмазор ва Навоий кўчалари), балки “Ҳумо Арена” муз комплексининг автотураргоҳида қолдиришларини сўраб мурожаат қилди.
Шунингдек, ўйинга илгарироқ келиб, футбол мухлислари учун махсус ажратилган автотураргоҳдан машинага жой эгаллаб олиш тавсия қилинган.
Эслатиб ўтамиз, 14-ноябрь куни соат 17.00 да “Пахтакор” стадионида Жаҳон чемпионати-2022 саралаш босқичининг навбатдаги ўйини – Ўзбекистон ва Саудия Арабистони терма жамоалари ўртасида бўлиб ўтади. Учрашувни япониялик ҳакамлар бошқаради.
Ўзбекистон Жаҳон чемпионати-2022 саралаш босқичининг “D” гуруҳидан ўрин олган. Гуруҳда Ўзбекистон терма жамоасига Саудия Арабистони, Фаластин, Яман ҳамда Сингапур термалари рақиблик қилади.
