ТОШКЕНТ, 13 ноя – Sputnik. Россия табиий ресурслар ва экология вазири Дмитрий Кобилкин Қирғизистонга Россия президенти Владимир Путин Саудия Арабистони подшоҳи Салмон ибн Абдулазиз Ас-Сауд ва Абу-Даби валиаҳд шаҳзодаси Муҳаммад бин Заид ал-Нахаёнга совға қилган лочинлар учун миннатдорчилик билдирди. Бу ҳақда Sputnik Қирғизистон хабар қилди.
Россия Федерацияси Табиий ресурслар вазирлиги хабар қилишича, 8 ноябрда Бишкекда Кобилкин ва Қирғизистон атроф муҳитни муҳофаза қилиш ва ўрмон хўжалиги давлат агентлиги директори Мирслав Аманқулов атроф-муҳит соҳасидаги ҳамкорликни кенгайтириш имкониятларини муҳокама қилишди.
Кобилкин Қирғизистоннинг ваколатли хизматларига масъулиятли миссия ўз вақтида малакали бажарилгани, “Мурас” Россия-Қирғизстон лочин марказидан Саудия Арабистони подшоҳи ва Абу-Даби валиаҳд шаҳзодасига лочинларни совға қилиш учун рухсатномалар берилгани учун миннатдорчилик билдирди. Лочинлар Россия президенти Владимир Путин Яқин Шарққа амалга оширилган расмий ташрифи пайтида тақдим этди.
Иккила лочин Иссиқ-кўлдаги “Мурас” марказида етиштирилган.
