ТОШКЕНТ, 4 ноя — Sputnik. Россия Қўшма Штатлар учун "ҳақиқий ҳарбий хатар" бўлиб қолмоқда, деб ёзади The Heritage Foundation америка стратегик тадқиқот институтининг Index of U.S. Military Strength доклади муаллифлари.
Ҳужжат муаллифлари, Москва Вашингтонга Европада ўз манфаатларини илгари суришга ҳалал бермоқда, деб ҳисоблайдилар.
"Россия АҚШ ва американинг Европадаги манфаатлари учун реал ва хаьарли ҳарбий хатар бўлиб қолмоқда", - деб кўрсатилган матнда.
Таъкидланишича, Россиянинг ҳатти-ҳаракатлари агрессив бўлиб, мамлакат "ўсиб бораётган имкониятлари" позициясидан ўзини "таҳдид солаётгандек" тутмоқда.
Экспертлар шунингдек, Россия бошқа державаларга қараганда "АҚШ ва иттифоқдош-мамлакатлар ҳудудида кўплаб нишонларни йўқ қилишга қодир йирик миқдордаги ядро қуроли арсеналига эга"лигини эслатиб ўтишган.
Докладда асосий эътибор Россия армиясининг модернизация қилинганига қаратилган. Хусусан, тадқиқотчилар, Россияда С-500 "Прометей" зенит-ракета мажмуалар тизими, спутникларга қарши кучли мажмуалар тизими ва радиоэлектрон кураш воситалари, шунингдек, Т-72, Т-80 ва Т-90 танклари борлигини қайд этишган.
Доклад муаллифлари, шунингдек, Хитойни ҳам АҚШ учун "энг кенг кўламли хатар", деб аташган.
